مادام ان الزمن قاسي _ للشاعر صالح المانعه

[أديب رخية]

مادام ان الزمن قاسي ومدات اليال شحاح=ترا ما للفقير الا يمد أييده لخلاقه

وانا من فضل ربي عشت في وقت العنا مرتاح=والى جار الزمن ماقمت احاتي نوض برّاقه

لوّن قفل الزمن ماله مع بعض العرب مفتاح=فلاضني بتلقى واحدٍ طعم العسل ذاقه

ولاكن خلقت الدنيا كذا والرابح المنزاح=عن دروبٍ مماشيه صعيبه تخلف الفاقه

ومدام اني على احسن مايرام وخاطري منساح=فموضوع الزمن مافيه داعي نكشف اوراقه

ابدله عن صواديف الزمان اللي حياه رياح=وادله نفسي بشيٍ عليه النفس سبّاقه

رعاك الله ياللي طال صبري لين سدي باح=وقلبي في يدك بابه ومفتاحه ومغلاقه

اسوج الرجل واقدامي على درب الغلى سراح=وقلبي في غلى حضرة جنابك ماحدٍ عاقه

عطيتك من بعض روحي على خبر القلوب صحاح=وبديتك على نفسي بشيٍ يصعب اطلاقه

الين اصبحت من بين العذارى تنعرف بوشاح=تليق بسمعةٍ فيها بنات العصر تواقه

وفي كسرة عصى تزعل : وتحرق شجرة التفاح=وتكويني على الضلع القصير وتنضج احراقه

لوّنك تكتشف حزنٍ تكامل فـ الضمير وساح=دريت ان لك مكانٍ في ضميري تنزف اشواقه

ترى مالزعل داعي تغانم فرصتك ياصاح=تغانم فرصتك قبل الزمن يقفي بمعلاقه

تعال: وعالج جروح الحزين وكل شيٍ راح=تعال: وجدد آمالك ترى الأيام سراقه

سرقة القلب واثرك معتبرها سرقة المزاح=حدٍ شافه ضحك وان ماحدٍ شافه رقع ساقه
‏ ‏




للشاعر/صالح المانعه

[دلوعة المملكه]

صح لسانك واحسااسك الراائع
كلمات في قمة الرووووعه
تسلم الايادي يالغلا

[شفاء رخيه]

سلمت يداك اخي اديب على طرحك لهالقصيده الرائعه
وصح لسان قائلها
وتقبل خالص شكري وتقديري

[بنت المكلا]

الله عليك ابدعت في طرحك


كلمات في قمة الروعه لما تحمل في طياتها من معاني صادقه ..

دمت ودام لنا نزف قلمك ..

[بقايا انسان]

الله يعطيك العآفيه


طرح رآآقي


كل الشكر لك


دمت بخير