الله خلقني بنت نـاس وحمولـه،،قـدري تعّـلا بالثريـا مكـانـه

[ساره]

الله خلقني (http://vb.tgareed.com/t240866/)بنت نـاس وحمولـه،،قـدري تعّـلا بالثريـا مكـانـه

ماهمني هرجـة قفـا او مقولـه،،او عاذلٍ يحب أصـول الخيانـه

ولاهمني قرع الحكي أو طبولـه،،مادام نبض القلب صدق وأمانـه

ياللي تجاهر بالخطـا وبسهولـه،،ماخفت من ذنبٍٍ يخالـط إهانـه

ذلٍ تجيبه كـل لحظـه عجولـه،،لا ابوه لا ابو كل نفس ٍ جبانـه

يابنت ياللي ينقال عنك خجولـه،،بينك وبين الكل صـارت ميانـه

هذا حبيبك أوصديـق الطفولـه،،وهذاك ولد الجار كنتـي وزانـه

ليتك بقيتي لغز صعـبٍ حلولـه،،او ليت ليتك شي دونه حصانـه

وياهيه ياللي تفتخـر بالرجولـه،،وينك ووين المرجلـه والرزانـه

الطيّب اللـي كـل دربٍ يجولـه،،يترك وراه الطيب في كل خانـه

وطبع الرديّ يبقى ولا شيٍ يزوله،،بالعقل عاهه وان تثقّف لسانـه

واللي قريبٍ كـل ايـد ٍ تطولـه،،يرخص بعين الكل ويقّـل شانـه

[نبض القلم]

صح لسانك والنعم على القصيدة المعبره عن صدق المشاعر

[الهوى الغايب]

صح لسانك على القصيدة الجميله

[كاشف المستور]

حـــــــــــــــــذف من قبل الاداره


ارجو احترام المنتدى وعدم الخوض في اشيئا لاتخصك



المحرر

[سميرة]

كلمات جميله
تسلمين اختي ع الطرح الرائع
بانتظار جديدك

[ملك الاحساس]

لاتعليق!!!!!!!!

[ملك الاحساس]

قصيده جميله صح ان فيها اهانة للرجل لكن انا اتوقع انه غير قصد منكِ وهذا الحقيقة من حقك انك تعبرين عن مشاعرك والذي يدور حولك لكن مو في هذا المنتدى لان هذا المنتدى منتدى رجال ومنتدى ناس يعني مافيهم عيب او قصور
تقدرين تقولين بأختصار انهم ( اهل رخية) والكل يعرف اهل رخية اهل الكرم والطيب والمروه انا ادري انه مافيه قصد بس هذا الكلام انا لين قريتة حسيت ان فيه نقص في او تقصديني انا كقارئ
تقبلي مروري
وآسف على القساوة لكن تقبليها من اخ يحبكم ويغليكم جميعا وهو ينبهكم على مايظركم شكرا

[ابو سيف]

صح لسانك على القصيده الرايعه
في انتضار المزيد من الابداع

[الزيادي]

صح لسانك قصيدة رايعة