ليـــــل الهـــــوى

[القنّاص]

ليل الهوى والشوق يرسم خيالـك = احـلام تتلاشـا تاهـت بدنيـاك
لاصوت لاصوره قاطـع رسالـك = ليه ياقمر تحجب طلعـة محيّـاك
بين السحب والغيم مخفي هلالـك = او منكسف بدرك في ليلة ضيـاك
تقدر تصد تبعد تقطـع وصالـك = لكـن تقـول انسـا والله تحـدّاك
تضحك على نفسك متعوب حالـك = كل الاساء عايـش والهـم ويّـاك
ادري ويوصلنـي عنـي سؤالـك = وادري علومك زين منذ عرفنـاك
طبعك عدو زينك ينقـص كمالـك = العند في دمـك والغيـره بـلاك
في النصح لاجيتك يكثـر جدالـك = حتى الزعل منّك ماينفـع معـاك
اقسمت لك انـك بقلبـي لحالـك = قلبي قنع منهـم مايعشـق سـواك
ماطـاع خفّاقـي يقبـل بـدالـك = تجرح ولاهمـك ياخـل مقسـاك
حاشا علي مشّيك درب المهالـك = من قال لك يكذب حاسد ويشنـاك
ازعلت من حولي كلّـه رضالـك = رغم الزعل فيني كل همّي رضاك
ماظن تحسبنـي صفـر بشمالـك = والقلب في العشقه عالقمّه عـلاك
ياللصـدف ياقلـب خلّـك قبالـك = ليه اختلف نبضك اهـدا ترجّـاك
من شافني يسأل وش جاك مالـك = هم مادروا اني في عالـم هـواك
ظنّي جمال الغيد خذ من جمالـك = البارحه صدفـه بالعيـن شفنـاك
ماجيت انا قاصد ولاهـو ببالـك = ياخيرها ساعة وجـودي وملفـاك
حظّي ابتسم يازين والسعد فالـك = بالعيـد فرحتنـا زادت بلقـيـاك
دارت بي الذكرى داخـل مجالـك = لازلت انا اشوفك في عيني مـلاك
عدّت سحابة صيف قلبي دعا لـك = من جوك الغائم باتصفـا سمـاك
يكفي سلام العيـن زود اتصالـك = بالرغم من اهلك كانـوا بيمنـاك
يوم المنى عنـدي ساعـة منالـك = خذني قصيدة شوق واحساس غنّاك
مادمت تغلينـي كـل الغـلا لـك = ان غبت عن عيني في قلبي غلاك

[ملك الاحساس]

كلام رائع وجميل اشكرك اخي على المشاركة الرائعة والجميلة في انتضار جديدك المبهر
لك التحية

[عميد الشباب]

صح لسان كاتب القصيده القويه وتسلم يد كاتبها
قدمت لنا يالقناص قصيده في قمة الروعه
وهذه الابيات دليل على قوة كلماتها
حاشا علي مشّيك درب المهالـك = من قال لك يكذب حاسد ويشنـاك
ازعلت من حولي كلّـه رضالـك = رغم الزعل فيني كل همّي رضاك

بجد قصيده جميله
ننتظر جديدك يالقناص
تقبل مروري