أشتاق له

[ابن قضاعه]

لو ما بقى في ذمة الوقت إحساس
كفي وجودة مشعِل الحس فيني
ولو ما لقيت من السهر غير هوجاس
سولفت عن قصة غرامة لعيني
ولو عشت في دنيا غريب عن الناس
ماهمني دامه يداعب يديني
مديت له كاس الغلا ومد لي كاس
وذابت ضلوعه من غلاي وحنيني
لو قال أبي روحك, على العين والراس
يفداه كل اللي بقى من سنيني
يدخل حدود القلب من دون حراس
متقاسمين الروح بينه وبيني
بنيت حبه في خفوقي على ساس
لو شانت ظروف الزمن يحتويني
أشتاق له مثل الأمل بآخر الياس
واشتاق له لو كان قدام عيني
هو يدري أنه بين روحي والأنفاس
وأنا ادري إنه واقف يحتريني

[اسير رخية (مدرك الشنيني)]

صح الله لسانك ...................... قصيدة في غاية الروعة ......................... تسلم يمينك ...........

ننتظر جديدك

تقبل مروري

[عميد الشباب]

قصيده جميله بصراحه ياابن قضاعه اعجبتني
صح لسانك
ننتظر جديدك المميز
تحياتي