هي نعم إني بكيتك

[جارة الوادي]

http://www.alhsa.com/forum/imgcache/219744.imgcache

هــي نعم اني بكيتك . . واحتـرق جوفـي بآآآآه


لين ثارت بي جروحك وابتدى احساسي النزيف


طاحت البسمة ( تخاذل) ، ساحبه قوس الشفاه


مـن ( منابيع الثوانـي ) / اللـي اتهيّـا للخـريف


يا متاهـات "التـواجد" في النهاية ما أبـااااااه


ما أريد اكسـر بخاطـر ، يمشـي لطعونه بكيـف


أبتـدي خطـوة معـاه وغيـر أنـا (ماااني) معـاه


يتبـع اللي يريـد غفلـة ، تــارك الحلـم العفيـف


في وسط زحمة همومي ضاع من بين المشاه


قلبـي اللي قام ( يجهش باللقا ) واصبح كفيف


يوم جاك الشوق يشكـي ود "عكس الاتجـاه"


مـاتكلفـت الضيافـة ، فـي حماك تعـز ضيـف


جــاك ما ينشـد (إغاثـة) ما يبـي لفـت انتبـاه


جاك يقـرالك حقوقـي / في المحبـة يا وليـف


يا حريص . . اللي تقول القلب مايلزم وصاه


لي تبين للأسف حرصك على مالك ضعيف !


قالها / اللي قد خربهـا ( لعنبوها من حياة )


بس انا اقول الحياة مع هالبشر شي ٍ مخيف


مـن خـنادق هالبـلايا . . / أسـال الله النجاة


عيشة ٍ أبغي نفعها لوعلـى ( دكّـة رصيـف)


لو ضميت الهجر بشرب من قناعاتي مياآآه


وان شكيت الجوع بسرق من أمانينا رغيف


هــي نعم .. بلم قلبي وأحضنه وأروي ضماه


وابكيك لامن ذكرتك / واذكر انك كنت زييف


مابكّدر بالخفـوق ولـو ( تسبّـح ) مـن دمـاه


بنزفك وأرجع أضمك وأتركك من دون كيف

الامضاء جارة الوادي

لاتنسون التقييم والردود

[فتى رخيه]

روووووووعه
تسلمين عزيزتي على القصائد الرائعه
ولاتحرمينا هذه الكلمات الرائعه والجميله
نامل منك المزيد والمزيد
وتقبلي تحياتي

[بقايا انسان]

ارى سطورا من ذهب

درر انتثرت في صفحاتك
اشكرك ع عطائك
ودمت بنبض لاينتهي