|
بتاريخ : 07-30-2010,
02:51 AM
|
أدوات الموضوع :
|
تقييم الموضوع :
(غير مقيم)
|
المنتدى :
رخيــــــة الــــعــــــــــــام
المحرر وأمبر عدن في صحبة الشيبه لمكه
لا حد يزعل من جده أضحكو وأستانسو وبدون زعل
 
( الشيبه وأميرعدن وولد شيوخ والمحرر في رحله لمكه )
قبل أمس كنت في مكه وأنا جنب الحرم أدور فندق بأسكن فيه ,جيت حصلت الدنيا خبت كل الفنادق والبيوت راحة في الهدد في التوسعه للحرم ,دورة على فندق حازره من أول نسكن فيه يوم نجي مكه ولي ذكريات فيه .
من ضمن القصص المضحكه ,قبل مده كنا في رحله من الرياض الي مكه ,وكان سعفي أميرعدن والمحرر وولدشيوخ ونحن في خط الرياض بعد ماخطينا وادي الدواسر ,قلت لأمير وقف ياولدي في المحطه بانشتري شي من البقاله ,قال أبشر ياجد بس ماهومن البقاله طلبك قدام شوي .قلت أيه باتجيبلي ,قال شي داريبك ياجد تحبه ,قلت قطبت قلبي ياولدي معاد خارجني ذا لي باتجيبه قلي أيه هو وألا شفني مابغاته وضحك ههههههههه وقال حليب ركاب , أيه رايك قلت أيبله ماذا دورله من زمان ,وبدينا في وصف الركاب والحليب وكلحت قدا المحرر وقلتله عاد شي من المنايح معكم في البلاد قال لا والله لكن لا ندرت بشتري ناقه منيحه وأنته ياولد شيوخ قال كانت مع جدي ناقه يقولون زينه أنتبهو للكلام ذلا يقلون ولا ماهوماهو داري بكلمه قال لكنها ماتت ,قلت كيه ماتت ,قال كانت (حبلى ) وفي الولاده ماتت ,وليه مانفتك نظحك هههههههههه ,ياولدي مايقلون على الناقه حبلى ,يسمونها ( لقحاء ) عرفت ان الولد عمره ماقبض خطام ناقه .
وأنت يالمحرر أنت وامير هاه وش علومكم ,قالو باتشوف يوم نصل عند الركاب ودلو يتمدحون في أنفسهم ,ومن حسن حظهم أننا وصلنا مكه ولا حصلنا شي ركاب في طريقنا ,المهم أعتمرنا والحمد الله ورحنا أستاجرنا غرفه في الفندق ,وحق التعب قالو بانام شوي ,قلت بايأذن العشاء بانصلي وبانتعشاءوبعدين نمو وشفت النوم بايحط عليهم ,قلت لهم بندر باجيب شي تتسلون به لما بعد الصلاة ,ونا عند باب الفندق وقعت عيني على تكرونيه ترضع ولدها وحده عله على الرصيف قلت وهي ماليوم فرصه جات لما عندك ورحت وشتريت طاسه من الدكان ورجعت قدى الحرمه وقلت حجه ممكن شويه حليب ,شطة قدي بعيون قشرا ,وقالت يالله روهي أنتي مايستهي عجوزه ,قلت في نفسي والله مخطي من عندش ألا بالحليب ,وقوم وطلعت 30 ثلاثين ريال بس أعطيني شويه حليب في الطاسه ,وهي لانت يوشافت الفلوس ,وقالت قليله ,وقوم وطلع 100ميه وليه ماهي تشطشط بولدها من على رجولها وتزقلبه على الرصيف وقالت جيبي ميه وأعطيها الدراهم وقبظة والطاسه وملتها ,وأسخف الحليب وأطلع به قدى الزقور وأدخل عليهم ,وقلت قمو شفوني جبت لبن ركاب حصلت بدوي يبعه عند الفندق بس الكميه لي معه واجده وخاف الرجال مزوده ماء ,قال أمير هت الطاسه ياجد وبانعرفه ويقوم ويلط نص الحليب وليه مالمحرر يطمر فوقه وسخف الطاسه ويشرب منها وخلا شويه للطيب ولد شيوخ ويادوب شرب مج ألا قد امير قايم وناتفها من أثم الزقر حتى قد يغاء يكسر ظروسه ,لا وعاده قام بصبعه يوحل الطاسه ويقول ياحلاة أم اللبن .
قلت هاه ياعيالي ماذلحين جاء وقت الجد وبنشدكم كيف الحليب
قال :أمير والله أنه زين وحلو أكيد أنها بكره .
وأنت يالمحرر قال: عندينه غاشه وحاط فيه سكر.
والد الشيوخ مسكين يدرج كوره وحلان خايف لايجي في مطب مثل الاولي .
المهم نحن في الشارع رايحين الحرم قالو وين البدوي لي يبيع الحليب , قلت والله ان البدوي ذا لي منسدح على الرصيف وأشر بأصبعي على التكرونيه وأقول تراكم أخوان العبد الي في الطشت يغسلونه .
وليه أني علمتهم ألا كل واحد حاط أصبعه في أثمه والتكرونيه تضحك .
من حقك تضحكين حصلتي مئة ريال
التعديل الأخير تم بواسطة شيبه أهرج ; 07-30-2010 الساعة 02:54 AM
|
::: أخترنا لكم :::
العضو الأكثر نشاطاً هذا اليوم 
07-30-2010, 02:51 AM
[/IMG]
العرض العادي
